Deur Liesel le Roux
DIE Wes-Kaapse Forensiese Ondersoekeenheid het verlede week op verskeie rekenaars van die Groter Oudts- hoorn Munisipaliteit beslag gelê as deel van ’n forensiese ondersoek.
James-Brent Styan, woordvoerder van die Wes-Kaapse minister van plaaslike regering, Anton Bredell, sê die forensiese ondersoek maak deel uit van die ingryping deur die nasionale en provinsiale regering by die Oudtshoorn Munisipaliteit. Die munisipaliteit is ingevolge dié ingryping onder administrasie geplaas.
“Die beslaglegging op die rekenaars is gedoen op grond van inligting wat ontvang is in verband met bewerings van wanbestuur,” het Styan Dinsdag gesê.
Volgens hom is die ondersoek in ’n gevorderde stadium.
Na bewering is rekenaars van senior amptenare onder die rekenaars waarop beslag gelê is. Die Cape Argus het Dinsdag berig dat “persone in die binnekringe van die munisipaliteit” gesê het die rekenaars van die waarnemende munisipale bestuurder, Ronnie Lottering, waarnemende finansiële bestuurder, Fran- cois Human, en waarnemende direkteur tegniese dienste, Paul Müller, is onder die waarop beslag gelê is.
↧
Rekenaars gegryp
↧