Gao hoor eersdaags

Deur Garnett Wicomb
DIE saak teen ’n Chinese man wat van sameswe­ring tot moord aangekla word, is verlede week in die Oudtshoorn Streek­hof vir slotbetoë en uitspraak uitgestel.
Die verhoor van Gau­shun Gao (40) wat  al  langer as twee jaar in aanhouding is, is deur streeklanddros Mark van Wyngaardt tot 7 November uitgestel met uitspraak waarskynlik op 8 November.
Die verdediging het aangedui dat die be­skul­digde nie geroep sal word om in die saak  te getuig nie.
Gao word aangekla dat hy twee mans van Pa­caltsdorp R10 000 aangebied het om die eienaar van Bagley’s Nagklub op Oudts­hoorn, Julia Bagley, te vermoor.
’n Art 174-ontslag­aansoek van Gao se regsverteenwoordiger, Daan Derksen van Knysna, is vroeër deur die hof geweier omdat die landdros van mening is dat getuienis wat voor die hof gedien het, wel daarop gedui het dat daar ’n sameswering was om ’n misdaad te pleeg tussen Gao en die staat se hoofgetuie, Eugene Viljoen.